Оның жүрегі жоқ

Video Description

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1 --------------------------------------------- Астанада азаматтық некедегі әйелін азаптап, асқан жауыздықпен өлтірді деп айыпталған экс-министр Қуандық Бишімбаевқа қатысты сот тергеуі аяқталып, тараптардың жарыссөзі басталды. Алдымен, мемлекеттік айыптаушы Айжан Аймағанова сөз алып, сотталушы Бишімбаевтың марқұм Салтанат Нүкенованы 10 сағаттан аса азаптағанын мәлімдеді. Прокурордың пікірінше, ә дегеннен-ақ өзіне тағылған кінәні мойындамай, процесс барысында мейлінше ашық болып, жаңылыспауға тырысқан сотталушы бір қателік жіберген. Әрі, сол қателігі бүкіл қылмысының бетін ашқан. Яғни, Қуандық Бишімбаев әйелін азаптаған сәттерін видеоға түсіргенін ұмытып кеткен. Ал, жәбірленуші тараптың адвокаты, экс-министрдің марқұмға небәрі 20 минут ішінде Баталов туралы 175 рет сұрақ қойғанын айтып отыр. Алайда, өзін қанағаттандыратын жауап ала алмаған соң, Салтанатты соққыға жыға берген деп топшылайды. Судья өткен процесте айтылған мемлекеттік айыптаушының өтінішін қанағаттандырып, Бақытжан Байжановқа тағылған айыптың бірін алып тастады. Осылайша, «Гастро-орталықтың» директоры тек аса ауыр қылмысты күні бұрын уәделеспей жасырып қалу бабы бойынша ғана айыпталушы боп қала бермек. Міне, осымен сот тергеуі аяқталып, тараптардың жарыссөзі басталды. Алғашқы сөзді мемлекеттік айыптаушы Айжан Аймағанова алды. Прокурор сотталушының Салтанат Нүкенованы асқан жауыздықпен ажал құштырғанына күмән келтірмейді. Айтуынша, Қуандық Бишімбаев әйелін 10 сағаттан аса азаптаған. Ал, келіншегі өлім мен өмірдің ортасында жатқанда жайбарақат өзге әйелдермен сөйлесіп, кездесіп, тамақтанғаны қатыгездігінің көрінісі болды деп отыр. - Құрметті алқабилер, құрметті сот, мен ақылды, келбетті, бірақ жүрегі жоқ адамды бірінші рет көріп тұрмын. Оның жүрегі жоқ. Біз оның көзінен өкініш, жанашырлық, аяушылық секілді сезімдерді көрмедік. Тіпті ол жасаған қылмысын жасырып, айғақтарды жоюға тырысқан. Сотталушылар Нүкенованың көз жұмғанын біле тұра, телефонын «Фитнес-паласқа», одан кейін үйге апарған. Ал, мүсәтір спиртін айғақтар жою үшін, VIP бөлмеде әр жерге жағылған қанды, саусақ іздерін сүрту үшін әкелген. Бастысы, Бишімбаев сот басталғалы жаңылыспауға тырысып, кейбір сұрақтарды айналып өтіп, өзін ашық адам ретінде көрсеткісі келгенімен, бір қателік жіберді деді прокурор. Һәм сол қателігі бүкіл қылмысының бетіп ашқан. Яғни, сотталушы келіншегін қорлап, бірнеше сағат азаптаған сәтін таспалағанын ұмытып кеткен. Ал, жәбірленуші тараптың адвокаттары экс-министр марқұм Салтанат Нүкеноваға небәрі 20 минут ішінде Баталов жайлы 175 рет сұрақ қойғанын айтты. Алайда, көңіліне жағатын жауапты ала алмай, марқұмды аяусыз соққыға жыққан. Жанна Оразбахова болса, Салтанаттың өлімінде Бақытжан Байжановтың да кінәсі көп деп санайды. Себебі, жеңгесінің хәл үстінде жатқанын көре тұра, көмектеспеген. Айтбек Амангелді бауырының балалық шағы жайлы әңгімелеп, армандарына тоқталды. Айтуынша, Салтанат, әсіресе ана болуды қалаған. Сондай-ақ, жәбірленуші сотталушы Бишімбаевтың мінезін түсінуге тырысудың қажеті жоқ деді. Өйткені, көпшілік үшін жантүршігерлік қылмыс жасалған күн, Бишімбаевқа кезекті бейсенбісі. - Мен Салтанат қиналмай көз жұмды деп сендім, солай ойлағым келді. Бірақ, телефондағы видеолар бәрі керісінше екенін аңғартып отыр. Ол қиналған. Видеолардың бірінде Салтанат қан-қан жейдені ұстап тұрып, бұл айғақ болады, осы үшін кемі 10 жылға қамаласың деп айтады. Сосын қайта-қайта қан-қан жейдені көрсетеді. Меніңше, осы қорқынышы, яғни соққыға жыққаны жария бола ма, ел біліп қоя ма деген үрейі, түрмеге қайта түсуден қорқуы Салтанатты өлтіріп, қылмысты жасыру туралы саналы түрде шешім қабылдауына түрткі болған секілді. Ал адвокат Вранчев қайғылы оқиға болған күні сотталушылар мейрамханадан марқұмның мәйітін алып шығуды ойластырғанын айтты. Бірақ гастроорталыққа қарсы ғимаратта Қазақстан мен Ресей президенттерінің кездесуі өтіп жатқандықтан, жоспарлары іске аспады деп топшылайды. Себебі, күзет қызметі көліктерін тексерсе, қылмыс әп-сәтте ашылар еді. Сондай-ақ, бүгінгі сот отырысында Бишімбаевтың да қорғаушысы сөз сөйледі. Лейла Рамазанованың айтуынша, сотталушы марқұм Салтанат Нүкеноваға аяушылық танытқан. Яғни, танысқан сәтінен бастап, көңілін аулап, қымбат сыйлықтар сыйлаған. Алайда, көтерген шаңырақтары әу баста айтылмаған шындықтың кесірінен шайқалған. --------------------------------------------- Біз барлық әлеуметтік желідеміз, тіркеліңіз: Информбюро 31 https://www.youtube.com/@informburo31kanal Informburo kz https://www.youtube.com/@informburokz2022 Facebook - https://www.facebook.com/informburo31/ Instagram - https://instagram.com/informburo31 WhatApp - https://whatsapp.com/channel/0029VaDmFd0G8l5LLZKA3o19 TikTok - https://www.tiktok.com/@informburo31?_t=8jqWjxPD6n8&_r=1 Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық