新聞女王2｜黃宗澤指眾女角氣場大唔敢作怪 譚俊彥爆何廣沛係鹹濕仔？

Video Description

新聞女王2｜黃宗澤指眾女角氣場大唔敢作怪 譚俊彥爆何廣沛係鹹濕仔？ 新劇《新聞女王2》一眾演員呢日圍讀劇本，適逢總監製鍾澍佳4月13號生日在即，佘詩曼、李施嬅、高海寧就作代表為佳導送上生日驚喜。佳導收到三位美女送蛋糕都顯得特別高興，笑言已經估到大家準備蛋糕，佳導許願《新聞女王2》一切順利平安，開心完成呢次創作。 《新聞女王2》除咗繼續有包括Man姐、張家妍、許詩晴、飛爺同方太等靈魂人物，仲會加入幾位生力軍，而黃宗澤嘅加入就最受觀眾關注，令Bosco都話好大壓力，因為感受到阿佘、施嬅、高Ling嘅強勁氣場。Bosco向來頑皮，同佢拍劇嘅女演員都被佢整蠱過，但睇怕佢今次都唔敢亂玩喇！事關三位女王都話：「你試下啊」、「俾我哋感受一下」、「夠膽就試下」，令Bosco當堂變得非常乖啊。 今次唔止演員陣容更強，連SNK新聞大樓場景都會全面升級，不過Man姐似乎無份享受！施嬅所飾演嘅張家妍呢次繼續留守SNK，作為「舊用家」嘅佢就大讚新場景真實度升級，連拍攝運鏡都會有所不同，好玩之餘都有啲緊張。 至於龔慈恩、鄧智堅、王敏奕同陳曉華四位原班人馬今次係角色上都會有所進化，唯一不變嘅就係飛爺手中杯珍珠奶茶，阿堅都笑言好似真係會有贊助商做飛爺杯奶茶嘅贊助。至於龔姐就為角色發展大賣關子，不過佢就話有唔少峰迴路轉嘅劇情。王敏奕所飾演嘅劉艷喺上一輯離開SNK後就會創業；陳曉華就會強勢回歸狙擊Man姐。 譚俊彥同何廣沛今次嘅「Man姐爭奪戰」由戲內延伸到戲外，連訪問過程都火花十足，Shaun笑指Matthew被大家話係「鹹濕仔」，因為佢成日想加「動作戲」，而Matthew就澄清自己冇諗過，係阿Shaun冇所以先眼紅佢有咋。 #新聞女王2 #佘詩曼 #李施嬅 #高海寧 #龔慈恩 #鄧智堅 #王敏奕 #陳曉華#譚俊彥 #何廣沛 #SNK新聞大樓 #珍珠奶茶 #鍾澍佳 #圍讀 #生日 #慶生 #Man姐 #張家妍 #許詩晴#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0