✨現場實況：58場《香港式離婚》圓滿落幕👏🏻黃子華謝幕Sales上身狂讚劉嘉玲付出多👍🏻節食減8磅 日日想進步🫶🏻 貼心做「聖誕老人」🎁「滿分一百分，我會畀一萬分❗」｜Viu1現場實況

Video Description

✨現場實況：58場《香港式離婚》圓滿落幕👏🏻黃子華謝幕Sales上身狂讚劉嘉玲付出多👍🏻節食減8磅 日日想進步🫶🏻 貼心做「聖誕老人」🎁「滿分一百分，我會畀一萬分❗」｜Viu1現場實況 黃子華、劉嘉玲、楊淇、蝦頭楊詩敏等主演嘅舞台劇《香港式離婚》，噚晚喺香港演藝學院歌劇院完成一連58場演出，圓滿落幕！ 子華神喺謝幕時感謝台前幕後工作人員，指舞台劇需要大量人力物力，全賴大家每晚盡心盡力，再加埋運氣，先可以順利演出。佢好感觸咁話：「其實我晚晚都想多謝呢個人，我今晚一定要講，就係我隔籬呢位劉嘉玲小姐。我哋第一次合作，講真你哋要我評價劉嘉玲，滿分係一百分，我會畀一萬分。」 嘉玲聽到後相當驚訝，即刻攬住子華神多謝佢！子華神話嘉玲唔單止為今次舞台劇節食減咗8磅，仲刻意限制自己少飲酒：「我哋六個演員，個個都病過，除咗佢。」子華神話每晚演出後，一班演員都會喺佢休息室飲威士忌，嘉玲為咗保持最佳狀態，都只係會淺嚐！ 子華神亦繼續大讚好拍檔：「我哋做演員都鍾意改善自己嘅戲，但改善到某個地步，都會心諗『唔好搞我啦，導演，畀我自由發揮吓啦。』我記得最後排練嗰日，阿詩（編劇黃詠詩）仲畀張紙我，我即刻崩潰：『我唔識做喇！最後一日你仲要我改？』但劉嘉玲就唔同，由第一日開始到最後一日排練，每日都不停問：『冇Notes畀我嘅？畀多啲Notes我啦！』佢真係不斷追求進步，同時又好自律！」 子華又爆嘉玲貼心嘅一面，話嘉玲抽時間為每個人準備聖誕禮物，佢讚完又讚，好似Sales咁又忍唔住再讚：「呢個咩演員嚟㗎？所以無論台前定台後，佢都值得一萬分！」 #黃子華 #劉嘉玲 #香港式離婚 #舞台劇 #拍檔 #一萬分 #節食 #少飲酒 #追求進步 #聖誕禮物 #現場實況 #Viu1娛樂新聞 #Viu1 #Viu #Viu煲劇平台 記得Subscribe Viu1HK嘅YouTube Channel，Follow埋IG同Facebook page呀 ___________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram: https://www.instagram.com/viu1hk/ ►讚好 Viu1HK Facebook page: https://www.facebook.com/Viu1HK/ ►觀看更多精彩內容：https://www.viu.com