蕭正楠熱衷用食物幫BB改名 翠如大肚睇「出軌劇」入戲嚇親老公

Video Description

蕭正楠熱衷用食物幫BB改名 翠如大肚睇「出軌劇」入戲嚇親老公 蕭正楠同黃翠如呢日夫妻檔現身新年活動，粗身大細嘅翠如狀態大好，隔離農曆新年唔夠一個星期，阿蕭同翠如已做好過年準備，屆時同發哥周潤發、華哥黃日華及其他跑友一齊先跑步，再約埋去三哥苗僑偉夫婦屋企開大餐。 阿蕭喺翠如懷孕期間一直細心照顧，不時化身廚神整嘢食，問到佢會整咩賀年食品畀翠如食，阿蕭笑指睇吓家人有咩食剩嘅嘢，再諗一啲烹飪嘅方式翻新再改造，身旁嘅翠如即忍唔住笑，話等團年飯食剩就打包返屋企，最多係初一食到初八。 翠如個肚越嚟越大，代表同BB見面嘅日子越嚟越近，阿蕭好積極幫BB諗名，仲好熱衷用食物為BB改名，譬如「蕭」叉燒、「蕭」麵包、「蕭」雞翼、「蕭」魚等，翠如爆阿蕭覺得「燒賣」呢個名幾好。 翠如笑指有咗之後食嘢方面冇虧待自己，仲有不停出街食嘢，翠如話而家鍾意好多新鮮嘅味道，去唔同餐廳食嘢就會好開心，翠如仲話一直好鍾意食朱古力，目前要注意血糖，所以佢有時會禁食甜嘢。講到老公阿蕭喺《奔跑吧！勇敢的女人們》飾演出軌渣男，翠如追劇睇到好入戲，有啲嚇親老公！ #蕭正楠 #黃翠如 #懷孕 #夫妻檔 #燒賣 #團年飯 #奔跑吧勇敢的女人們 #出軌 #渣男 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0