بعد الانخفاض الشديد اللي حصل.. لو معايا دولار.. ألحق أبيعه ولا أحتفظ بيه؟.. الدولار رايح على فين؟!

Video Description

للاشتراك في المسابقة الاسبوعية من الرابط دة www.asrartv.com/give-away ********************************************* شاهد حلقة : من هو ياسر عزت شاهد من هنا https://youtu.be/epkwdwnz3q4?si=QiU-UD66owZmCEQ5 ******* . شاهد حلقة : هل يحمي الذهب أموالك فعلاً ؟ من يحرك أسعار الذهب؟ اشتري امتي ؟ شاهد التفاصيل من هنا https://youtu.be/joHeS0i7x58 ******* شاهد حلقة : تستثمر فلوسك فين في 2024؟ و ازاي تحول ٥٠٠الف جنية الي ٤ مليون جنية https://youtu.be/sr2ZC0RHezo ******* شاهد حلقة : ازاي تحول ١٠٠ الف جنية الي ٨٠٠ الف جنية بكل سهولة ... اسرار البورصة الي محدش هيقول لك عليها https://youtu.be/yHBXXqW8Gso ******* #خمسة_اقتصاد بعد الانخفاض الشديد اللي حصل.. لو معايا دولار.. ألحق أبيعه ولا أحتفظ بيه؟.. الدولار رايح على فين؟! في هرجلة حصلت في السوق كدا تحديدا من يوم الخميس اللي كان موافق 1 فبراير.. لقينا الدولار في السوق السوداء اتهبد هبدة محترمة.. والذهب مبقناش عارفين أيه اللي بيحصل فيه السعر زاد جدا وبعد كدا قل جدا.. ومبقاش حد فاهم أي حاجة.. وبقى اللي معاه دولار أو ذهب.. بقى مش عارف يبيعه ولا يخليه زي ماهو.. هل أسعارهم هترفع تاني ولا هتتهبد أكتر من كدا.. طب أنا معايا جنينهين لسة قابضهم من جمعية أو كنت محوشهم.. مبقتش عارف اشتري دلوقتي ولا أستنى شوية.. طبعا لازم أعرف الأسعار هتاخد أنهي اتجاه، وبناءا عليه هقدر أحدد هبيع ولا أشتري؟!.... وعشان نفهم اتجاه الأسعار هيبقى أزاي الفترة الجاية.. لازم نفهم أيه اللي حصل أصلا في اليومين اللي فاتوا خلى أسعار الدولار الذهب يتراجعوا جامد كدا.. وبعد ما انخفضوا، رجعوا يزيدوا تاني.. أيه اللي حصل وأيه اللي هيحصل.. وأزاي أحافظ على قيمة فلوسي..دا اللي هنعرفه في حلقتنا انهاردة، وهنحاول نوضحلكوا الصورة كاملة إن شاء الله.. ولكن قبل ما نبدأ حلقتنا متنساش الاشتراك في قناتنا على اليوتويب و الفيس بوك علشان تتابع معانا كل جديد. رابط الاشتراك في القناة في صندوق الوصف و في أول كومنت مثبت في الفيس بوك و اليوتيوب يلا بينا نبدأ حلقتنا في ظل الظروف الاقتصادية اللي أحنا عايشنها دي.. بقى فيه حالة من عدم اليقين وعدم وضوح الرؤية بشكلها الصحيح.. فبقينا مش عارفين نعمل أيه، ونواجه التضخم اللي أحنا عايشينه دا أزاي.. الواحد بقى كل مايجي يحوّش قرشين عشان يشتري حاجة.. على ما يجمعهم بيروح يلاقتي سعر الحاجة اللي عايزها بقى مضروب في 2 ويمكن في 3 ودا من غير أي مبالغة.. أحنا بنتكلم في طفرة غير مسبوقة حصلت في الأسعار في خلال السنتين اللي فاتوا.. وقيس دا على كل حاجة.. العربية النيسان صني اللي كانت من سنتين ولا أكتر حاجات بسيطة بـ180 ألف، دلوقتي معدية المليون جنيه.. ففي وسط حالة الهرج والمرج اللي أحنا عايشينها دي، لازم نعرف أزاي أحافظ على قيمة فلوسي، وأزاي أعرف استثمرها.. ومن غير أي علم أو تخصص.. معظم الناس.. عارفة السكة دي.. أنت لو بصيت على المرأة الريفية البسيطة من زمن الزمن.. هتلاقيها بتلجأ للذهب مثلا كوسيلة ادخار من زمان.. ولكن الاختلاف دلوقتي.. في إننا مش عارفين أيه اللي هيحصل بكرة.. بقينا بنشوف حركات غريبة.. نخاف نشتري دلوقتي والسعر ينزل جامد واكون خسرت فلوسي.. ودا حصل الشهر دا.. عند ناس اشترت الذهب عيار 21 لما وصل لـ4100 جنيه.. ولما لقت الدولار بينزل والذهب اتهبد لـ3300 جنيه.. اترعبت على فلوسها، وقالولك أنا ألحق أبيع جزء منه عشان مبقاش خسرت كل حاجة.. نفس الكلام مع الدولار.. ناس اشترت بـ75 جنيه.. وهوب راح نازل لـ55 جنيه.. وأعرف ناس شخصيا، فضّلت تبيع في الحالة دي وتوقف الخساير لحد كدا.. فالسؤال دلوقتي.. نشتري ولا نبيع؟!.. أولا خلينا متفقين إن الدولار مش بيزيد.. والذهب كمان.. ولو زادوا بتبقى حاجات بسيطة، وبيرجعوا تاني لمستوياتهم العادية.. ولكن الجنيه بتاعنا هو اللي بيقل..قيمته بتقل قدام الدولار وقدام باقي العملات كلها، حتى الذهب أو العملات المشفرة.. فعشان نفهم أحنا دلوقتي هنشتري ولا هنبيع.. لازم نشوف أحوال الجنيه.. هل ياترى هيرجع يسترد قيمته تاني ولا لأ.. وبناءا عليه هنعرف نختار وعائنا الادخاري أو الاستثماري بشكل كويس.. في بداية سنة 2024.. الدولار كان بيتباع في السوق السوداء في حدود الـ58 و57 جنيه.. في الرينج دا.. ودا بحسب التقارير اللي كانت بتطلع في الوقت دا.. وخلونا ننوه بشدة قبل مانسكمل كلامنا إن تعاملات الدولار في السوق السوداء معاملات غير قانونية وبتم في الضلمة.. لإن عليها عقوبات قانونية شديدة جدا جدا.. ولكن احنا بنحلل الوضع الاقتصادي ماشي أزاي.. المهم خلينا نكمل كلامنا.. وزي ماقولتلك إن الدولار في بداية يناير 2024 كان في حدود الـ58 جنيه.. وعلى آخر الشهر هووب.. بقى بـ75 جنيه.. يعني زاد حوالي 31% ودا في شهر واحد فقط.. طب أيه اللي خلاه يزيد دا كله في الوقت القصير دا.. السبب المنطقي هو عدم توافره.. وانخفاضات الإيرادات الدولارية اللي بتجيلنا بشكل اكتر من الطبيعي..