هل ال Java بتموت؟

Video Description

مساء الخير. ازيكم معاكم محمد الشريف. - النهاردة حنفتح موضوع مهم لأي حد شغال أو مهتم بلغة Java. و هو ... هل ال Java بتموت؟ - طيب قبل ما نجاوب على السؤال, اعمل لايك على الفيديو, و يا ريت تعمل Subscribe و تفعل الجرس مش حياخذ منك ثانية, و حيوصلك اشعاراتنا أول بأول. خلينا نشوف ليه السؤال ده بيتطرح كثير اليومين دول … من رأيي أهم الأسباب هي ○ مشاكل Oracle مع Google و انهم مجرجرين بعض في المحاكم بقالهم ييجي عشر سنين. و دي مشكلة كبيرة حصلت بين الشركتين و بدأت بعد استحواذ Oracle على شركة Sun Microsystems سنة 2009 و اللي ساعتها Larry Ellison صرح بأن ال Java هي أثمن Software استحوذت عليه Oracle في تاريخها. (1) بعد أقل من سنة من اتمام الاستحواذ, بادرت Oracle بمقاضاة Google بادعاء ان استخدام Google للJava API's في نظام Android هو بالمخالفة لقوانين الملكية الفكرية, و خاصة حقوق النسخ Copyrights و طالبت بتعويض حوالي 8 مليار دولار. و اللي فتح جدال قانوني لحد النهاردة في اذا كانت ال API's ممكن حمايتها بحقوق النسخ. و الجدال ده تدرج في المحاكم الأمريكية في خلال العشر سنوات اللي فاتت لحد ما وصل للمحكمة الدستورية العليا, و اللي قبلت النظر في القضية في سنة 2019, لكن بسبب جائحة COVID-19 تم تأجيل النظر فيها ل 2020. ○ سبب تاني أن لغة Java لغة قديمة نسبياً, و هي ظهرت سنة 95, يعني من حوالي 25 سنة, و تطورها كان بطئ نسبياً مقارنة بلغات تانية كثير, و اللي يمكن ما قدرش يواكب تطور أساليب البرمجة الحديثة. ○ لغات كثير ظهرت متوافقة مع JVM, زي Scala, Groovy, Clojure و أحدثهم Kotlin ○ اعلان Google سنة 2017 ان Kotlin هيتم اعتمادها كلغة أساسية للبرمجة على نظام Android, و اللي طبعاً كان نتيجة المشاكل الطويلة و اللي لسة مستمرة مع Oracle. § و ده الى حد كبير شبه جداً قصة ظهور C#, و اللي بدأت برضه بمعارك قضائية بين Microsoft و Sun Microsystems على مشاكل متعلقة بتطوير Java سنة 97, و اللي انتهت بتخلي مايكروسوفت عن Java و انهاء الدعم لنسخة Microsoft من Java تدريجيا حتى انتهى نهائياً سنة 2003, و تطوير لغة C#, و دي قصة طويلة, لو حابين تسمعوها, سيبولي تعليقات تحت. - بعد كل المقدمة الطويلة دي, أكيد حيوصلك انطباع ان Java دي خلاص يعني مسألة وقت و تنتهي, لكن الموضوع برضه مش بالبساطة دي. - ال Java مع كل المشاكل دي, هي لغة قوية جداً و ليها مجتمع كبير و ecosystem ناضج جداً و على مدار ال25 سنة اللي فاتت فيه ملايين البرامج و الانظمة اللي اتكتبت و شغالة بيها قبل ظهور Android بسنين طويلة. - و حتى Android أغلب التطبيقات اللي مكتوبة عليه مكتوبة ب Java أو لغات تانية كثير زي JavaScript, و غيرها, فاضافة لغة جديدة مش حيفرق كثير. - بعد 10 سنين من استخدام Java بشكل أساسي على Android بقة شبه مستحيل ان Google توقف دعم ال Java على نظام Android, و الا ممكن تتسبب في مشاكل كثير مع المطورين و الشركات اللي عندها استثمارات بالفعل و برامج كبيرة مكتوبة بال Java. - طيب انت كمطور Android بتبتدي النهاردة, هل المفروض تتعلم Java؟ و الا تتعلم Kotlin؟ و الا أي لغة تانية؟ ○ رأيي الشخصي انك غالباً حتحتاج تعرف ال Java كويس, و تتعلم Kotlin برضه, لأن زي ما قلنا ان اغلب الكود الموجود في الشركات النهاردة و اللي اتكتب على مدار العشر سنين اللي فاتوا هو Java, و غالباً حتشتغل عليه, حتى لو كان فيه مشاريع تانية Kotlin جوة نفس الشركة, و الوضع ده غالباً حيستمر فترة طويلة. - طب لو انت مبرمج Java بس مش Android تحديدا؟ اعتقد ده مش حاجة تقلق منها خالص، زي ما قلنا قبل كده فيه لغات كثيرة موجودة بالفعل متوافقة مع JVM, و مستخدمين من سنين, و مع ذلك ده ما اثرش بشكل كبير قوي على Java. - شكراً لمتابعتكم. و تاني ما تنساش تسيب رأيك علشان نكمل مناقشة في التعليقات, و اعمل Share لل Video لو عجبك و ساهم في نشر القناة. Our facebook Page http://facebook.com/askdeveloper On Sound Cloud http://soundcloud.com/askdeveloper Please Like & Subscribe