中年好聲音4｜香港賽區海選展開近6千人報名 曾志偉歡迎富商鄔友正參賽

Video Description

中年好聲音4｜香港賽區海選展開近6千人報名 曾志偉歡迎富商鄔友正參賽 《中年好聲音4》香港賽區海選星期日正式展開，除咗評審肥媽Maria Cordero、張佳添、周國豐同海兒之外，總經理曾志偉亦有到場，志偉都大讚今年參加者嘅唱歌實力相當高，特別海外來香港參加嘅選手令佢印象難忘。 志偉透露今年有大約5800人報名參加《中聲4》，加上10個海外賽區如澳州、美加、新馬等嘅海選進行中，預計今年嘅海選會比往年花時間。曾生亦大方回應富商鄔友正會參加嘅傳聞，指對方未來場次嘅海選應該會出現，由於鄔友正嘅公司屬TVB合作多年嘅贊助商，但係志偉唔認為鄔生參賽會產生衝突，因為所有人士都係憑實力入圍，仲講笑話歡迎其他有唱歌實力嘅贊助商老闆參加。 另外節目亦會原用4位鐵膽肥媽、張佳添、周國豐同海兒做評審，同時亦有唔少圈中人包括李克勤自廌想任嘉賓評審，曾生好開心節目受同業嘅喜愛。 呢日嘅海選吸引唔少內地同海外人士參加，其中包括長居香港多年嘅菲律賓駐場歌Escobal Victor Barcelona、由德國來港嘅心臟專科醫生、長居香港日本人森腰充宏、來自台灣嘅男高音張振文等，而評審張佳添對來自北京任職出版發行嘅張頡印象難忘，大讚佢唱功扎實，畀咗佢最高分。 海兒則大讚失明鋼琴調音師陳廣智嘅自彈自唱演繹真摯。而陳廣智特別選唱《天才白癡夢》鼓勵大家有夢想要去追唔好等，相當有意義。78歲嘅參加者李先生演繹嘅英文歌得到肥媽嘅大讚話佢語氣方面相當揮耍自如。 參加者當中不乏出過道嘅歌手包括參加《超級巨聲》嘅何晶晶、推出HiFi碟嘅陳逸璇(Jolie)等，Jolie就算經已出道，但係佢唔覺自己實力被看高一線，反而希望借呢次參賽可以同世界各地熱愛音樂嘅唱將交流。 另外參加者陳潔係一位遺體化妝師，佢參加嘅原因同佢快要升呢做婆婆有關，37歲嘅佢希望五代同堂睇到佢喺電視演出。 #中年好聲音4 #海選 #肥媽 #Maria Cordero #張佳添 #周國豐 #海兒 #曾志偉 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0