如何製作軟漿手打魚蛋 - 佐敦夏銘記 How to make Homemade Fish Balls - Ha Ming Kee Noodle Shop #hongkong #localfood

Video Description

0:00-0:30 Intro 0:31-5:17 劏魚 Clean Fish 5:18- 11:24 攪碎魚肉 Mince Fish 11:25-15:29 打魚漿 Ground Fish 15:30-25:02 魚片製作 Fried Fish Block 25:03- 28:19 魚蛋製作 Making Fish Ball 28:20-30:41炸魚皮 Fried Fish Skin 30:42-33:19 舖頭煮麵 Cook noodles 買杯咖啡支持我哋製作更多影片☕: https://buymeacoffee.com/kongfoodkee 講起魚蛋粉，今時今日為節省成本同時間，唔少舖頭都會採用機製或加入大量麵粉同防腐劑嘅魚蛋，既彈牙到有啲假，魚味都欠奉。難得呢間有逾 40 年老字號嘅夏銘記仲係做緊全港僅餘少數採用軟漿方式嘅手製魚蛋，第二代接班人Roger 話為咗客人可以食到新鮮嘅魚蛋，每日凌晨五點就會開始整魚蛋，由劏魚開始全都喺自家工場完成。 小店嘅魚蛋用咗最少兩款魚去做，包括黄鱔同百花，起肉後攪碎都要分兩次：第一次隔走較大嘅魚骨、第二次將剩落嚟微細嘅魚骨攪碎，之後就會加埋調味同冰水打成軟漿。打軟漿嘅技術比硬漿高，好講師傅經驗，加冰同水嘅份量要啱啱好，魚漿先會綿滑得嚟唔會太稀唔成形，打漿嘅時間都會因天氣而有所不同，Roger 話要不時用手摸魚漿去感受，唔可以一概而論。 由於魚漿軟、水份高，唧魚蛋嘅工序一定要靠人手逐粒唧好而唔可以靠機器代勞，之後放入熱水浸透成形再分成一粒粒先算完成。食落口感軟綿唔死實，帶魚肉鮮味，食得出真材實料，難怪食家蔡瀾都曾盛讚呢間小店，甚至送贈「夏銘記我至愛」嘅親筆提字。 夏銘記麵家 Ha Ming Kee Noodle Shop 地址：佐敦白加士街5號地鋪 Address：G/F, 5 Parkes Street, Jordan #港食記 #kongfood #夏銘記 #佐敦 #魚蛋 #佐敦美食 #香港美食 #香港製造 #hongkong #hk #streetfood #noodles #ricenoodles 更多食物製作影片 https://youtu.be/mkAzk52MD3g https://youtu.be/mRxdyTLkMZk https://youtu.be/OmocIUkUTR4 https://youtu.be/bgLyqcgwa_k https://youtu.be/IucEkI5YfTs 想知更多食物製作過程，即刻Follow《港食記》 →YouTube: bit.ly/3IDgSbO →Instagram : bit.ly/3Tyd3uE