挑戰72小時內連走全長298公里香港四大山徑 超強跑者背後的最強後盾｜HK4TUC 四徑支援者｜#有種運動人｜Sportsoho

Video Description

香港四徑超級挑戰（HK4TUC）係一個對自我、極限嘅挑戰。過去10年，每逢初二都會有大約15-20位藝高人膽大嘅山界猛人（俗稱痴線佬）參與呢項挑戰，挑戰者需要連走香港四大遠足徑，包括100公里嘅麥理浩徑、78公里嘅衛奕信徑、50公里嘅港島徑同70公里嘅鳳凰徑；可以喺60小時之內完成嘅選手會獲得「完成者」榮譽，而喺72小時內完成嘅就會被稱為「生還者」。今年除咗有黃浩聰成功喺2日內完成、以46小時55分打破大會紀錄，仲有女跑手張敏怡以57小時53分完成，成史上最快女完成者，亦係首位香港女「完成者」。 而有痴線嘅跑手，就有痴線嘅supporter，佢哋同樣選擇犧牲休息時間，陪伴挑戰者不眠不休，挑戰呢個創舉。 痴線嘅，仲有根本唔認識跑手但突登搭船入梅窩見證跑手衝線嘅花生友、自發性上山下海幫手影相拍片嘅攝影師、痴線跑手嘅痴線朋友等等。 為咗俾大家感受呢班痴線佬嘅熱血，製作組決定親身去記錄呢一切，痴線，好正！ 今集《有種運動人》，紀錄HK4TUC四徑支援者嘅日與夜，挑戰者與支援者嘅共同經歷。 #香港四徑超級挑戰 #HK4TUC #四徑 #香港四徑 #支援 #support #Sportsoho #運動版圖 #有種運動人 = Follow Sportsoho運動版圖! = Website: http://bit.ly/2DQ61Lk Facebook: http://bit.ly/2zz9iMa Instagram: http://bit.ly/2P7pN6R Youtube: http://bit.ly/2KKQvSm 【更多精彩片段 Watch More】 賽事Highlight: http://bit.ly/2RjZo7H CoverStory封面故事: http://bit.ly/2DPVIH7 專題人訪: http://bit.ly/2DU56t5 SportsExpo運動博覽 : http://bit.ly/2E5vnWw