【娛樂山】向來愛打破傳統｜張與辰出新表設計唔怕「又屎又蒼蠅」｜MV練金雞獨立日日單腳企

Video Description

唱作歌手張與辰(Vic)參加《中年好聲音3》奪得亞軍後，獲得廣泛關注，最近更踩入設計界，宣布與香港陀飛輪品牌萬希泉合作推出名為「花啦啦」陀飛輪腕表。今日前進行宣傳照拍攝，「港產陀飛輪」萬希泉創辦人沈慧林(William)亦到場探班。 「花啦啦」是張與辰於2007年腦海中出現的小角色，並於2010年首次畫出，如今成為可佩戴的腕表，他開心表示完全不敢想像，因為畫作中設計「又屎又蒼蠅」，問可擔心粉絲覺得不好？他說：「希望「花啦啦」可打破傳統對蒼蠅的刻板印象，不再是骯髒與有害的象徵，他說:「我選擇『花啦啦』這個名字，源於英文 『FLY」的諧音巧妙地象徵蒼蠅的飛翔，（出幾多隻？）預購中，（送媽媽？）當然會。」 此外，與辰正為演唱會排練並操體能，他稱：「最近練SIT-UP，之前都係做100至150下，但尋日貪心做咗300下，幾乎落唔到床，但今日褲頭鬆咗影相靚啲囉！因為最近忙，花好大腦力，都要食下炸雞補下，又食榴槤，不過都努力Keep，希望影相靚啲，依家低炒（低角度影）都有雙下巴，未到零死角。」 對於新歌MV出街，與辰都好緊張兼手震，並坦言當中練一個動作日日要單腳企，他說：「未試呢個形象出快歌，唔知粉絲接唔接受，當中有個動作『金雞獨立』都練咗好多次，左腳重心唔穩最後轉右腳，為咗呢個動作喺屋企練好耐，成日單腳企！」 早前與辰到馬來西亞拍攝時有提到自己有陰陽眼一事，他亦承認，並稱因信仰問題已封眼了：「小學三年級就有啦，嗰時屋企人唔信，身邊人以為我撞邪，到18﹑19歲左右，嗰次見到就好驚，（係點？）佢追住我車，但見唔到佢眼耳口鼻，我只係見到﹑聞到味但聽唔到聲，後來見得多都冇乜感覺，試過鬧佢哋添，（鬼上身？）又未試過！」 Instagram 🔗｜ instagram.com/mountbuzz.official Facebook 🔗｜ facebook.com/@mountbuzz YouTube 🔗｜youtube.com/@mountbuzz Threads🔗｜www.threads.com/@mountbuzz.official #娛樂山mountbuzz #mountbuzz #娛樂山 #娛樂新聞 #即時報道 #即時新聞 #獨家新聞 #專訪 #娛樂圈 #張與辰 #花啦啦 #港產陀飛輪 #腕表 #金雞獨立 #MV #陰陽眼 #馬來西亞 #Vic #沈慧林