200藝人齊賀台慶 女星鬥性感騷胸露腿

Video Description

《萬千星輝賀台慶》19號晚舉行，逾150位藝員同50位歌手一齊盛裝出席，當中唔少女藝人都以性感打扮爭妍，令涼快嘅紅地氈現場生色不少，今年亦會係互動遊戲送出5千5百公斤米比觀眾作為獎品。 除咗女星主要以白色打扮現身之外，一班男藝人就以黑色服裝出現，整晚節目先由TVB主席 #許濤 亮燈揭開序幕，各藝人就分別組成歌星隊同藝員隊對疊，喺各個項目力爭上遊。 壓軸出場嘅 @陳豪 有三美 @張曦雯 @李佳芯 同 @蔡思貝 陪住現身，佢哋就各自對自己嘅裝扮解釋一吓喇。而 @陳展鵬 同 @黃智雯 就一齊出現，煎Pan仲話要經過一身打扮要經過囡囡首肯添。 身兼主持嘅 @汪明荃 同 #鄭裕玲 就分別擔任歌星隊同藝員隊嘅隊長，除咗一班藝員同事，最為開心嘅可能就係出道後第一次正式亮相嘅「聲夢」成員喇。至於近日傳出婚訊嘅 @張秀文 亦都同我哋分享咗佢嘅甜蜜喜悅，一樣Sweet嘅，仲有 @馬國明 同 @湯洛雯 呢一對喇。 @郭偉亮 就同 @agaseen 仲有 @ginlee 一齊打扮靚靚出現，而其他歌手一樣悉心打扮出現，「聲夢」幾位小妹妹就緊張又興奮喇。 #萬千星輝賀台慶 #紅地氈 #台慶 #性感 即刻Follow TVB娛樂新聞台Facebook專頁 https://www.facebook.com/TVBENews 登入myTV SUPER享受睇TVB自製節目7日免費點播 https://bit.ly/2TXLlM0